طارق صبري فنان شاب وصل بسبب موهبته الكبيرة لأدوار مهمة في الوسط الفني و الاهم انه وصل لقلوب الجماهير و حقق في وقت قياسي شعبية كبيره
الأول كلمنا عن بداياتك ؟
تخرجت من كلية الهندسة قسم عمارة جامعة القاهرة
بدأت التمثيل وانا طفل في فريق المدرسة
وتوقفت عنه في الجامعة بسبب ضغط الدراسة ماكنش في وقت اشارك في مسرح الجامعة ولكن كنت باخد ورش تمثيل وبساعد في مشاركات بسيطة
بعد ماتخرجت اشتغلت فترة في مجال دراستي
وبعدها اشتغلت مذيع واستقلت
وبدأت دراسة في المعهد العالي للفنون المسرحية قسم تمثيل وإخراج
وبدأت العمل في مجال التمثيل اثناء دراستي في معهد الفنون المسرحية في ثانية معهد قمت بدور بسيط في مسلسل كاريوكا ثم الشك بعده بسنة شاركت بأكثر من دور في سنة رابعة معهد وبعد التخرج رجعت الي المسرح مرة أخري وبدأت فى عمل مسرحية
" يوم ان قتلوا الغناء "وتعتبر من المسرحيات المهمة في حياتي المهنية .
مين مصدر الهامك و قدوتك من الفنانين؟
بحب كل الفنانين وبقتدي بيهم واللي كان نفسي اشتغل معاهم الأستاذ القدير
نور الشريف ، محمود عبد العزيز ، يحيي الفخراني ، احمد ذكي وهو بالنسبالي مصدر المذاكرة في الفن ،
عمر الشريف اصراره على النجاح و وصله للعالمية قدر يتخطى مكانة كل اللي حواليه لمكانة اكبر خاصة بيه ،
الفنان الكبير عادل امام والحمدلله اشتغلت معاه مرتين .
ايه رأيك بما يقدم حاليا" في الوطن العربي من؟
حيث المستوى و القيمة سواء سينما او تلفزيون او مسرح؟
شايف ان في صحوة مسرحية كبيرة
منها المسرح الخاص قدم فيه عرض الفنان محمد هنيدي ، وحاليًا بيقدم فيه عرض الدكتور يحي الفخراني ،
وفي مسرح الدولة قدمت دور "أريوس" في مسرحية
" يوم ان قتلوا الغناء " وهو من أكثر الادوار التي أثرت فيا ؛
وايضًا التدخل في الانتاج الفني والمسرحي هيكون له أثر كبير على الوطن العربي
شايف ان الوضع هيكون أفضل لان هذا العام حدث تغير في الاستراتيجيات بالنسبة للشغل في مصر
شايف ان في صحوة مسرحية كبيرة
منها المسرح الخاص قدم فيه عرض الفنان محمد هنيدي ، وحاليًا بيقدم فيه عرض الدكتور يحي الفخراني ،
وفي مسرح الدولة قدمت دور "أريوس" في مسرحية
" يوم ان قتلوا الغناء " وهو من أكثر الادوار التي أثرت فيا ؛
وايضًا التدخل في الانتاج الفني والمسرحي هيكون له أثر كبير على الوطن العربي
شايف ان الوضع هيكون أفضل لان هذا العام حدث تغير في الاستراتيجيات بالنسبة للشغل في مصر
ومشاكل الانتاج المقتصرة على شركات معينة او انتاج غير قوي وبالتأكيد كل هذا له تأثير على الموسم الرمضاني ولكن أظن بعد رمضان سوف يتغير شكل الدراما سيتوفر العمل على مدار السنة
وتكون السينما أقوى لانه لن تكون هناك مبالغة في الأجور
أعتقد ان الأمور سوف تتزن أكثر بعد رمضان .
ايه طموحك و إزاي شايف نفسك بعد كم سنة ؟
طموحاتي " اتمني ان أكون عند حسن ظن الجمهور واكتسب الثقة والتقدير والمحبة والاحترام من الجماهير "
مابشوفش نفسي بعد كام سنة ولكن بشوف نفسي بعد كل عمل .
ايه اكتر دور أثر فيك من اعمالك و ليه ؟
دور حسن بن عبد الحكيم في مسلسل البيت الكبير عمل هذا المسلسل عاش معايا أكبر فترة من الوقت ،
وتم عرض جزئين وفي جزء ثالث قريبًا ،
حسن من الادوار اللي أثرت فيا جدًا ،
وأيضا مسلسل " كتف قانوني " سيذاع في شهر رمضان المقبل
انه يشبه حياته الحقيقية كثيرًا .
ايه الدور اللي بتحلم تعمله و تمثله في المرحلة الجاية ؟
نفسي اعمل ادوار كتير بحبها
منها الأدوار التاريخية وخاصة شخصية خالد بن الوليد ورصد السيرة .
لو جاتلك الفرصة تقابل نجم من نجوم الزمن الجميل هتختار مين و ليه ؟
النجم عمر الشريف دائمًا يخبرني الكثير ان هناك وجه شبه بيننا ،
و في افتتاح مهرجان سينمائي بالإسكندرية قدمت عرض في فيلم
"صراع في المينا" جسدت فيه دوره
الأستاذ عمر الشريف لما بسمع عن حياته الشخصية له انتماء للمهنة ولكل الناس اللي حواليه انا بقتدي بيه وبحبه جدًا.
ايه اهم اعمالك الرمضانية و مشاريعك
الجاية ؟
مسلسل كوميدي " كتف قانوني " بطولتي ،
و من بطولة النجم أحمد بدير ، سارة سلامة ، أحمد سلامه ، نرمين ماهر ، سميرة صدقي ، محمد نجاتي ،وتأليف فتحي الجندي ،وإخراج عادل الاعصر.
ايه مميزات و مساوئ العمل كممثل بالنسبة ليك ؟
لكل مهنه سهولتها وصعبوتها في نفس التوقيت ،
ولكل مهنة ضريبة بتدفعها من وقتك ومجهودك وتصرفاتك وخاصة مهنة التمثيل لان لك تأثير على جمهور بيتابعك ويقتدي بك .
نصيحه لشباب القدامين علي مجال التمثيل
مفيش حاجة سهلة في المطلق
وفي ناس بتعتمد على علاقتها بالوسط وتمثل
او ان شكلها وسيم تمثل ولكن كل اللي بيعتمد على العلاقات او الشكل مابيكملش لاخر الطريق لان لازم تكون عندك الموهبة
" بالشغف والمجهود تستطيع القيام بالمعجزات " .
كلمة أخيرة لجمهورك و معجبيك بتوجهها ليهم حصريا" عبر مجلة مملكتي ؟
أهنئ الشعب المصري و الأمة الإسلامية بحلول شهر رمضان الكريم .
مرحباً بالتعليقات الجديدة .