بقلم/ أميره علوان
رساله لأهل القبور إلى أمي الحبيبه طال بعادك ووصلت لقيمه إحتياجك عايزه أحكيلك عن وحدتي ومكانك الفاضي محتاجه كتير حنيتك وبقوه تاخدني ضمتك ودعاكي ليا من قلبك خارج نطاق أي مصلحه عارفه إللي مصبرني على فراقك أول مشوفت إبتسامتك لأخرتك وإنك سبتيني ذكرى ليا أنا واخوتي حته منك عايشين بيها عالأرض أما بتوحشيني بكفوفي بألمسني أه بتألمني لكن بتفكرني بإني حته منك وعايشه بيها عالأرض وحشتني ضحكتك ولهفتك وهمستك ومعاندتك خوفك وقلقك عليا بداعي وبدون داعي ودعوتك اللي مالقلب ياأجمل حب بدون مقابل يا أغلى وأجمل ما عندي مكتوبه عليا غربتك يا بعيده حتى فأخرتك مكتوب عليا حرماني فدنيتك وأخرتك بتمنى توريني فمنامي وتطفي نار شوقي ولهفتي ابوس فيهم كفوفك واشوف فيهم بسمتك وأسمع نبره صوتك وحشني خوفك عليا وقت حزني والأمل اللي كنتي بتزرعيه فيا وحجاكي عليا عندي حجات كتير عايزه احكيهالك واخد رأيك فيها ومش هعملها الا اذا اخدت رأيك فيها وبعشق خوفك عليا حتى وانتي فأخرتك لما تيجي بلهفتك وتنبهيني من كل شر وتبشريني بكل فرح هفضل أموت فيكي وأعشقك مهما غيبتي واعمل عشانك حجات كتير حلوه وابعتهالك أخرتك رصيد كبير اوي فضلت خير حضرتك أمي الحبيبه
مرحباً بالتعليقات الجديدة .