بقلم / إيڤلين موريس
-----------------------
كان يبقي فيها ايه لو الحياه مش متقسمه لأيام وسنين وكانت كل الايام متلاحمه في بعضها، بمعني اننا نتولد ونعيش ونموت ويوم يسلم يوم .
فما الفكره من وجود سنه لها بدايه ونهايه واحتفالات براس سنه وعيد ميلاد وغيره من مناسبات تعبر عن بدايه جديده .
نتفق جميعا أن البدايات في أي شيء واي علاقه بتكون قويه و جميله وفي وسطها يظهر الفتور وعند الوصول للنهايه يكون البرد قد أصابها بالعجز واوشكت ع الموت ، فتخيلوا لو أن حياتنا لها نقطه بدايه واحده ونقطه نهايه واحده اكيد وقتها كنا حنبقي اشباح ماشيه ع الأرض لينا منظر الحياه لكن الحياه لا تسري فينا ..
علشان كده كان للوقت والفواصل فيه اهميه كبيره ، لحظه تسلم لحظه ويوم يسلم يوم لحد ما نكمل سنه فيفوقنا احتفال جميل ويفكرنا اننا محتاجين نقف مع نفسنا وقفه محاسبه للنفس وطلب معونه من الله علشان نبدأ صفحه جديده لها قوة البدايات ..
استفيدوا بالبدايات خاصه أن في سنه جديده علي الاعتاب
وكل سنه وانتم طيبين.
مرحباً بالتعليقات الجديدة .