خواطر مبعثرة
بقلم /د. سها شاكر
على فكرة
أنا مش قابلة الفكرة
فكرة إنى أرجعلك تانى
فاكره دموعى
وكسر ضلوعى
ولسه بعانى
إيه كان بينا راح أرجعله
عشرة وفاتت
ذكرى
وماتت بالنسبالى
ومبقاش فيه
أكون لك هيه
اللى بتتمنى تكون لك جارية
مبقاش فيه
أقولك حاضر
وعلى أحلامى ورأى أصادر
وأقفل بابى
واسيب أحبابى
وألغى المستقبل والحاضر
مبقاش فيه أرجع تانى
مفيش حنيه... مفيش تقدير
مفيش ولا شكراً
ولا تسلم إيدك يا جميل
فاكره ذلى
وأنا ب أمسك إيدك
وأقولك متسبنيش
ولا بتفكر ولا تتأثر
وكأنى أنا حيط
كان يربط بينى وبينك
خيط... وأنت قطعته
على فكرة أنا مش قابله الفكرة
فكرة إنى أرجعلك تانى
لأ يا أنانى.
مرحباً بالتعليقات الجديدة .