كتبت بوسي مرسي
فاضل كام ساعة عشان أعمل حسابي علي الموت ياجماعة عاوزة اللحق التوب وأغير المكتوب أل أصلا مافيش منه هروب بس أعمل أيه ماأنا زنوبي كتير ومن الدنيا أنا ملهي أكيد بس هاأتوب عشان أروح وأنا محقق المكتوب بس أأأه لو ملحقتش وخطفني الموت خطف والساعة عدت وأنا نايم مش حاسس وقتها أنا هاأعمل أيه وأقول لربي أل خلقني أيه أصل كنت مستني أتوب قبلها بكام ساعة
أأأه ياساعة ::::
بعقرب لعين وأنا وغيري فيكي متعشمين بس أصل أحنا غاشمنين مش فاهمين أنه في ساعة هاتروح الروح لخالق الروح وقتها ماحدش هايروح غير أل عمل كل حلو للروح وعمل حساب لحظة لما يروح
أأأه ياساعة :::
فيكي الدنيا تلاهي ولا فيها حد باقي كله بيضحك علي كله تقولش سيرك والدنيا بهلوان وكلها ألوان في ألوان بس مزيفه كمان من كتر الزيف بقت بهتانه زي اللبانه مندوغة ميت مرة ومن طعم البوق أل مليان بالكدب بقت مره
أأأه ياساعة :::
تفتكري هاألحق أتوب عشان أروح أشوف المكتوب ولا هاتضحكي عليا وتعدي من فوق فوقيا ومش هاأرجع تاني عشان أخلص كل عليا أوعك تغدري بيا وتعدي وأروح أنا في خبر كان وأشوف كل كان وألقي عازابي هناك ألوان أوعي دا أنا ماأمن ليكي وسايب عمري بين أيديكي ماهي الدنيا غرورة ولعبت بيا الكورة كل ماأقول هاأتوب تقولي لسه فاضل كام ساعة ويمكن تعدي ساعه ورا ساعه وتيجي الساعة وماأللحق أتوب وأروح أنا هناك وأشوف المكتوب أل مافيش منه هروب
أأأه ياساعة ::::
عمالة تقدي تقدي وتزني بس أنا أصلا هاربانه مني أني أفهم زنك وأعمل حسابي علي أل باقي قبل ما يخلص ويبقي مافيش في العمر بواقي أفضلي زني يمكن يجي يوم وما تهربش مني وأللحق أتوب قبلها بس مش بكام ساعة
مرحباً بالتعليقات الجديدة .