بقلم صابرين جابر
رئيسه قسم المراه والطفل
كتير مننا لما سمعنا أغنيه عكس اللي شايفنها وخاصه البنات كل واحده اعتبرت الأغنية دي بتاعتها هي بتكلم عن حالتها وبتتكلم عن مشاعرها كتير مننا قالوا ان احنا جوانا حزن كبير ومش بنبينه كتير مننا جواه قصه كبيره بس عمره ماكان باين عليه بالعكس الصوره اللي كل الناس شايفنها هي الضحك وراحه البال مافيش ولا حزن ولا هم دايما الصوره بتضحك دايما الصوره اللي باينه للناس الجميله الصوره بتضحك مين فينا خالي من الأوجاع من فينا خالي من المشاكل والهموم بس كله جوانا ماحدش حاسس بينا غير مرايتنا اللي دايما لما تبص فيها بتشوف حقيقتك خوفك والمك وغضبك وحزنك وهمك مرايتك اللي لما بتبص فيها بتشوف فيها كل احزانك اللي بداريها عن الناس كلها صورتك الحقيقيه هي اللي بتظهر من غير تجميل دايما بنشوف ناس من الظاهر بس عمرنا ماشوفنا جواهم في ايه دايما لينا الظاهر وبس وبننخدع بيه وبننخدع بالصور اللي كلها ضحكات مزيفه وراها الف وجع والف الم فعلا حاجات كتير جوا كل واحد عكس اللي شايفنها حاول تقربوا من بعض وتفهموا بعض حاولوا تبقوا جمب بعض حاسين ببعض حسوا بأوجاع بعض وبهموم بعض
مرحباً بالتعليقات الجديدة .