مكرونة نجرسكو

مقدمه من إسلام عصفور 

مده التحضير 10دقايق 

مده الطهى حوالى نصف ساعه 

المكونات 

نصف كيلو مكرونه قلم 

صدر فرخه مخلى مقطع شرايح رفيعه 

قرن فلفل أخضر مقطع شرايح 

بصله كبيره مقطعه شرايح 

معلقتين كبار مشروم مقطع شرايح (إختيارى )

معلقه زبده 

كمون، فلفل أسمر 

معلقه صغيره من السبع بهارات 

ملح 

مكعب مرق 

كوب جبنه موتزريلا 

معلقه كبيره جبنه رومى مبشوره 

معلقه كبيره جبنه كوبايات 

البشاميل 

6 معالق دقيق 

3معالق كبار زيت 

4معالق كبار سمنه 

كيلو لبن (حليب )

كوب شوربه 

الطريقه
 نسلق المكرونه فى ميه ومعلقه صغيره ملح ومعلقه زيت (بعد السلق منشطفش المكرونه 

وفى طاسه على النار فيها معلقه زبده نشوح الفراخ لما تاخد لون نضيف المشروم ونقلب دقيقتين ونضيف البصله ونقلب 5دقايق ونضيف الفلفل الأخضر ونقلب دقيقتين ونضيف البهارات ونقلب لما قطع الفراخ تستوى نضيف معلقه صغيره صلصه ونقلبها ونطفى 

البشاميل 

فى حله نضع الدقيق والسمنه والزيت ونقلب دقيقتين ونضيف الحليب ونقلب بسرعه ونضيف الشوربه ونقلب ولو احتاجت نضيف شوربه أو حليب ونضيف البهارات ومكعب المرق ونقلب على نار هاديه لما يتقل نضيف نضيف الجبنه الرومى والكوبيات ومعلقه موتزريلا ونقلب لما الجبنه تسيح ونطفى 

وفى صينيه نضع نص المكرونه ونص البشاميل ونقلبهم ونوزعهم فى الصينيه ونضع الفراخ ونوزعها ونرش شويه بشاميل فوق الفراخ ونرش جبنه موتزريلا ونضع باقى المكرونه نغطى بيها الفراخ ونضيف باقى البشاميل ونوزعه على الوش كويس وندخلها الفرن على الرف قبل الأخير من تحت على نارمتوسطه ولما القعر يتحمر وتستوى نرش جبنه موتزريلا وندخلها تحت الشوايه تتحمر 

بجد أكله جميلة

مديرة مطبخ مجلة مملكتى استاذه امل محمد عبدالحميد