اوعى تنسى
بقلم -نهي نصر
اوعى تنسى
ما تنساش ان الناس مش كلهم فيهم الخير
ما تنساش
ما تنساش ان مش بايدك تغيرهم ولا تملك التغيير
ما تنساش
فيهم بيحقد وفيهم بيحسد
وفيهم عليك بيتبلى
ومنهم اللي بيحور
ومنهم اللي بيدور
يلقالك غلطة أو زلة
اوعى في يوم تجاريهم
ولا تحلف لا اوريهم
سيبهم للي خلقهم
وشوف ها يعمل ايه فيهم
واياك مرة تقلدهم
ولا تحاول تكون منهم
ده ربك على قد نيتهم
ها ييجي يوم ويديهم
وانت بكرة ها تتفرج
اللي زرع آديه بيحصد
واللي جنى على غيره
آدي نهايته , وده مصيره
بس اوعى فيهم في يوم تشمت
ولا بردو فيهم تفرح
صفي قلبك وانساهم
وده اسلم وده اربح
وابعد عنهم وغنيلهم
كدة تكسب كدة تربح
واوعى تنسى في خير لسة
في ناس موجودة في الدنيا
يمكن مالناش نصيب فيهم
او يمكن يوم نلاقيهم
الله اعلم بحالنا
وباللي بيحصل وجرالنا
وياريت على قد نيتنا
يدينا المولى ويرزقنا
اصل خلاص احنا تعبنا
وفاض بينا وقربنا
نقول لله يا محسنين
مفيش عندكوا ناس طيبين
مانلاقيش ناس بينكم
تكون بتحس وتقدر
الله يلطف الله يستر
في اللي جاي ومتقدر
