خبز الصاج بالدقيق الاسمر دقيق البر

مقدم من مطبخ:إيمان كامل

مدة التحضير :ساعه

مدة الطهى 5دقايق

المكونات

3 اكواب دقيق اسمر , ربع معلقة صغيرة ملح

5 ملاعق كبيرة زيت

بيضة واحدة بدرجة حرارة الغرفة

معلقة و نصف كبيرة سكر

معلقة كبيرة خميرة جافة فورية

ماء دافئ للعجن - حوالي ثلاثة ارباع كوب ممكن يزيد او يقل معاكي حسب الدقيق ما يحتاج -

الطريقة :

نهائي مافيش اي تغيير في المقادير او طريقة العمل , نفس المكتوب بالظبط في الوصفة هو اللي يتعمل

- الكوب المستخدم للعيار هو مج الشاي الزجاجي

- الوصفة تتعمل بالدقيق الاسمر , ما تنفعش بالدقيق الابيض لان مقاديره مختلفة , وصفة خبز الصاج بالدقيق الابيض موجودة في البوم المعجنات في الصفحة هنا

- مقادير الوصفة ممكن تضاعفيها كلها , ما ينفعش نعمل نص المقادير لان فيها بيضة واحدة و البيض مش بينفع يتنصص

- الخبز بيطلع طري و طبقته اثنين في الصورة علشان تشوفوا هو طري ازاي , ممكن بيستخدم للافطار او العشاء زي الخبز العادي بالظبط

- المقادير عملت 16 رغيف نفس حجم الصورة , و الرغيف تقريبا 80 سعر حراري




1- نضع السكر مع الخميرة في طبق عميق و نقلبهم , ثم يضاف قليل من الماء الدافئ و تترك الخميرة تتفاعل 10 دقائق تقريبا

2- في وعاء عميق نضع الدقيق الاسمر , رشة الملح , الزيت , البيضة و نقلب جيدا لتتجانس المكونات

3- نضيف خليط الخميرة الي خليط الدقيق و نقلب جيدا , ثم يضاف الماء الدافئ بالتدريج مع العجن حتى تتكون كرة متماسكة من العجين

4- مش محتاجين نعجن العجينة كتير يدوب تلم معانا كرة حنغطيها و نسيبها ترتاح من 45 دقيقة - ساعة , عجائن الدقيق الاسمر لما بتتعجن زيادة بتطلع صلبة و قاسية

5- نرش قليل من الدقيق على سطح العمل و كذلك النشابة , و يقسم العجين الي كور و نبدأ في فرد كل كرة الي دائرة سمكها رفيع

6- تجهز مقلاة على حرارة متوسطة و تدهن خفيف جدا بالزيت ثم نبدأ في وضع ارغفة الخبز فيها , دقيقتين على كل جهة و يكون استوى

7- تكرر الخطوة السابقة حتى ننتهي من الكمية , مع ملاحظة تغطية الخبز بفوطة نظيفة حتى لا يجف

8- الخبز بعد مايبرد تماما , نحتفظ بيه في اكياس مغلقة في الثلاجة او الفريزر و يسخن منه عند التقديم حسب الرغبة .....