كحك العيد
المقادير :
كيلو دقيق .. 6 مجات كبيره
نص كيلو سمنه + معلقتين كبار
3/1 كوب سكر بودره
كوب لبن ساقع او ميه ساقعه
1 معلقه وربع صغيره بيكنج بودر
معلقه ك خميره فوريه
2 معلقه ك سمسم محمص
2 معلقه ص ريحه الكحك( اختياري)
الطريقه:
نحط السمنه فى الفريزر نص ساعه
-نجهز السكر
ونقطعها ونضربها مع السكر البودره
-لسه مجتاجين ضرب
- نحط الدقيق المنخول مع ريحه الكحك والبيكنج والسمسم
ونضرب حتى تتجانس وتبقى ناعمه
- ندوب الخميره فى اللبن او الميه وننزلها على الدقيق ويدوب تتجانس ومش عايزين عجن كتير علشان ما تعملش عرق يدوبك نقلبها بأطراف صوابعنا
نبتدى ناخد كوره من العجين
ونرصهم فى صاج ونعمل بالبصامه او المنقاش الشكل ال تحبوه
-تمام كده
- ويدخل الفرن على طول من غير ما تريح على درجه 180 لمده 20 دقيقه ومنشغلش شوايه هنعرف انه استوا من لون القعر لما يبقي دهبي
- ونسبها تبرد خالص لتانى يوم بدون تغطيه وبعدها نحفظها فى علبه محكمه ونرش السكر عند التقديم
ملحوظه:-
كحك المحلات بيكون على البارد مش المقدوح
اللبن ساقع عشان يبطئ من مفعول الخميره وميبوظش نقشه الكحك
الكحك بعد الخبز يبات ليله كامله بدون تغطيه
الكوبايه ال هتعايري بيها السمنه والدقيق واللبن تكون هي هي نفس المقاس
عشان السكر يمسك عالكحك اخلطى معاه شويه نشا
لو شقق معاكى وانتى بتشكليه زودى معلقه ك لبن
لازم تستخدمى دقيق ضعيف و تشتري دقيق للكحك والبسكوت
ممكن تخلطى سمنه بلدى مع سمنه جنه او كريستال
مافيش تخمير هنعجن ونخبز علطووووول
وكل سنه وانتو طيبين
مرحباً بالتعليقات الجديدة .