بسكوت العيد مقدم من مطبخ / سارة محمد

مقدم من مطبخ / سارة محمد 

بسكوت العيد (مقادير ثاااااابتة ومتجربة سنين )
يلا بينا نعجن 

المقادير :كيلو دقيق
نص كيلو زبدة (سمنة لا)
3 بيض
كوب لبن
ملعقة كبيرة نشادر
2 كيس فانيليا
ملعقة كبيرة بيكنج بودر
كوب ونص سكر بودر

الطريقة :
الطريقة بقى

 هاتعجنى الزبدة مع السكر البودرة في العجان او في بوله بمضرب وبعدين تنزلى بالبيض لحد ما يمتزجوا اوى

 تنزلى بقى بالدقيق المنخول مع البيكنج باودر والفانيليا بتحطيها على البيض وتعجنى بس مش كتير لان البسكوت مش بيحتاج العجينة تعمل عرق المهم تعجنى لحد ما يتجانسوا 

وتضعى النشادر فى كوب اللبن واللبن بيكون دافى وتقلبى وتنزلى على العجينة واتعجنى تانى وتسيبيها ترتاح شوية نص ساعة 

وتشكليه بالقمع او المكنة عل حسب اللي موجود و الصينية او الصاج تكون مدهونة زيت ويدخل فرن
180د اول مايحمر نخرجه ونخلي بالنا عليه 

الف هنا وشفا 

ملاحظات 

البسكوت بيتعمل بزبده .

 نيوزلاندي او زبده كريستال او زبده فيرن . حسب المقدرة

البسكوت لو عايزاه بالشيكولاته شيلي كوب دقيق حطي كوب كاكاو خام

البسكوت بييقي لونه دهبي خلي باللك من الفرن

ادهني الصاج او الصينيه بزيت خفيف كدا

ممكن تعملي البسكوت بقمع وكيس حلواني
القمع بيتباع عند محلات خامات الحلويات