الكحك مقدم من مطبخ / سارة محمد

مقدم من مطبخ / سارة محمد

المقادير:
كيلو دقيق
نص كيلو سمنة سائحة
ملعقة كبيرة سكر
ملعقة كبيرة ريحة كحك . تتباع عند العطار
باكو بيكنج باودر
كوب لبن وسمسم

الطريقة :
اول حاجة انك هتقلبى الدقيق مع البيكنج بودر مع السكر مع ريحة الكحك والسمسم كويس في بوله غويطة وبعدين تنزلى بالسمنة السايحة وتعجنى وتشوفى لو احتاجت سائل تحطى من اللبن وتكملي عجن وتسبيه يرتاح ربع ساعه

وممكن تشتغلي عل طول من غير مايرتاح . 

وبعدين حضري صاج او صينيه وشكلي الكحك قطعيه كور وبالبصامة شكليه 😍 وبعدين دخليه فرن متوسط الحرارة لمدة 25 دقيقة وتطلعيها يبرد تزينية بالسكر البودر واخلطي مع السكر شويه نشا

الف هنااا 

ملاحظات :

اشتروا الدقيق اللي مكتوب عليه للكحك ونوع الضحي كويس جدا
ينفع يتفع بسمن بلدي صافي
ينفع يتعمل بسمن مخلط
الكحك مبيتعملش بزبدة ابدااااا
الكحك اللي بيكنج مبيقعدش فترة كبيرة
الكحك مبيتحطش عليه نشا ابدا ابدا
الكحك لازم يتلم بلبن او مياه . ويفضل لبن
الكحك بيبرد وبعدين يتسكر
سكر البودر بتاع الكحك ضيفوا له نشا