البيتفور مقدم من مطبخ / توتا مراد

مقدم من مطبخ / توتا مراد 

البتيفور:
285 جرام دقيق مايعادل 2 كوب دقيق وشيلي منه 2 معلقه ونص كبيره ولو عايزينه بالشوكولاته نشيل ربع كوب دقيق ونزود بداله كاكاو خام
250 جرام زبده مايعادل كوبايه وعليها كمان معلقه ك
75 جرام سكر بودره ما يعادل 7 معالق ونص كبيره
2 بيضه وتكون دافيه
ومعلقه ص ممسوحه فانيلا

الطريقه:
هنضرب زبده وسكر

لسه محتاجه ضرب

كده القوام مظبوط

ننزل البيض تدريجيا ومع اخر بيضه نزود الفانيلا

ونضرب دقيقه

كده زى الفل

ننزل بقي الدقيق تدريجيا ونقلب بحرف ال k بتاع العجان او بايدينا

 لحد ماكل الدقيق يختفي

وده شكل العجينه

ناعمه وهشه جداااا

...ننقل العجين فى كيس حلوانى

 ونبتدى نشكله فى صاج مدهون زيت خفيف

 وندخله فرن سخن على 180 لمده من 20 ل 25 دقيقه وفى اخر 5 دقايق نقفل تحت ونفتح الشوايه

...ولما ياخد لون دهبي نطلعه يبرد 

ونزينه حسب ماتحبووو بقي

 ويتشال فى علبه ويفضل تكون معدن ولو علبه بلاستيك حطو معاها لقمه فينو عشان تمتص الرطوبه ومتخليش البتيفور طري...وكل سنه وانتو طيبين يارب