حوار / اية عفت
بعدسة المصور / محمد محمود
كان لمجلة مملكتي هذا الحديث الشيق مع ( شيف نهي صالح ) ..طواليكم نص الحوار
* شيف نهي اهلا بحضرتك من مجله مملكتي وفي البدايه حابين نعرف ماهي رسالتك وهدفك بتواجدك في ايفنت مقدم من مطبخ عربي ( لمتنا في رمضان ) ؟
احنا انهارده كل شيفات هدفها ورسالتها واحدة ،وتواجدنا هنا لنوصل كل الافكار الجديده لست البيت او الست العامله لتسهيل الافكار الحلوه والجميله عن الاكل في رمضان
فكل شيف موجوده انهارده بيحاول يقدم افكار جميله ولذيذخ وسهله مش يتاخد وقت .
*كلمينا اكتر عن تخصصك شيف نهي ؟
انا شيف متخصص سخن بس طبيعه اي شيف لازم يكون مدرك كل اقسام المطبخ ، المطبخ بصفه عامه ليه اقسام كتيره جدا (سلطات ، سخن ، بارد ، حلويات ، .... الخ ) لازم الشيف يكون عنده فكره عن كل الاقسام .
تخصصي في سخن بمعني بهتم بكل حاجات السخنه ، الشوربات ، الطواجن ، اللحوم ، الدواجن .
*في بدايتك ... هل الطهي بالنسبالك شيف نهي موهبه او دراسه ؟
انا بدايتي كانت عندي موهبه ديه وظهرت لما ولدتي كانت بتطلب مني اعمل السلطات وانا صغيره كنت بعملها بطرق العاديه
لكن بعد ذلك اتعملت ازاي افنن في عمل السلطه وبعد ذلك اثقلت الموهبه بالدراسه انا خريجه سياحه وفنادق وحاليا بحضر لدراسات عليا في ادارة فنادق جامعه حلوان فاهتمامي بالطبخ عملي ونظري
*اي شيف او ست بيت مبتدا في تعليمها للطهي بتدور علي مدارس الطهي المختلفه لتتمكن من تعليمها ..ايه الي بيميز وبيفرق مدارس الطهي زمان عن مدارس الطهي حاليا ؟
كان في مدرسة زمان عن الطهي بتصعب الاكل علي كل الناس علشان كده كل ست بتكون فاهمه انها هتتدخل تطبخ وتعمل وجبه في وقت طويل جدا.
وايديها توجعها من تقطيع وحلل كتير لكن دلوقتي موضوع اتغير تمام ظهرت مدارس جديده بتغير كل المفاهيم عن الطهي الطبخ محتاج ذكاء مش مجهود مثلا فراخ البانيه انا ممكن اعمل نفس الفكره بس اسهل بكتير زي الكور الفراخ او بيطلق عليها (تشكين بوك كولر ) بيتكون طعمها لذيذ جدا ، بتضيفي كله علي بعضه وتقليهم ، والمميز في كده ممكن تخلي اولادك يساعدوكي فيها ، فكره كلها مبقتش تاخد وقت ،
ست البيت بتصعب علي نفسها انها تطبخ في كذا حله دلوقتي فكره اتغيرت لان من حله واحده ممكن تعملي وجبه كامله مثلا ( مكرونه بالفراخ والصلصه ) الفكره كلها اننا دورنا كشيف ننقل فكر الجديد في تسهيل وصفه نفسها وهتوفري علي نفسك تعب ومجهود ده كله في اقل من نص ساعه وخصوصا ست البيت العامله .
*حاليا معظم الاولاد بتفضل اكل Fast Food ،عن اكل البيتي ، هل الشيف ليه دور في تعليم الام وصفات ال Fast food ؟
فكره كلها ان هدفك انك تقدمي لاولادك قيمه غذائيه غير طبعا fast food ، واجبنا اننا بنقدملك نفس الطريقه لكن اسهل وافضل وصحيه دورنا اننا نعرفها ازاي تطبخها بطريقه صحيه متدخلهاش بكتريا في الاكل نفسه وذلك عن طريق ((سوشيل ميديا او المواقع ) فدائما الطهي اسهل منه مفيش.
*نصحيتك شيف نهي تجاه اي ست بيت مبتدا في ابتكارها لاكلات جديده ؟
انا بنصح اي ام واي ست بيت انها تثقف نفسها زي مبتدخل وتتفرج علي مسلسلات تركي ،انها تدخل وتثقف نفسها عن طريق مواقع جديده باسهل الطرق والوصفات الممكنه .
كل الي عليها تكتب( اكلات باسهل طرق ممكنه) هيظهرلها بدل الاكله الف اكله باسهل الطرق .
احنا بس بنستصعب اننا نعمل الطواجن الكبيره لكن دلوقتي موضوع بسيط جدا ، وظهرت تكتات كتيره بتتضاف للاكل بيستوي بسرعه مثلا زي اللحمه او االرز .
*من وجهه نظرك ...مسابقات الطهي بتفيد الشيف المبتدا ، وبرامج الطهي بتفيد ست البيت ام لا ؟
هنقسمهم اتنين الشيف المبيتدا لازم يثقف نفسه مش يعتمد علي برامج المسابقاات بس شيف لازم يكون واعي وفاهم ومثقف نفسه مش شرط يكون دارس اكاديميي
لكن يكفي انه يقرا عنها ،ويكون فاهم يعني ايه ( درجات حراراة - درجات تسويه - التقطيع الصح )
ده بالنسبه للشيف المبتدا بالنسبه لست البيت غير مهتمه بالنقاط ديه ،ست البيت بتهتم ببرامج الطهي الي بتيجي في التليفزيون الي بتكون في حاجات مفيده وبرضه مبنصحش انها تعتمد عليها ١٠٠/١٠٠
مثلا هي عارفه طريقه ارز متعوده عليها من ولدتها او جدتها او متوارثه عليها ،انا رائي انها لازم تغير فيها وتضيف لمستها الخاصه بيها انا شايفه ان اي ست بيت او شيف سوا راجل وست لازم يضيفوا التاتش بتاعهم سواء كانت في التوابل او الكريمه فوق ده كله انك لازم تحبي الاكله الي بتعمليها .
*سمعنا كتير عن ان يوجد فرق مابين ( الوصفه القياسيه للطبخ ) و ( الوصفه العاديه ) ما الفرق بينهم شيف نهي ؟
في حاجه اسمها (الوصفه القياسيه للطبخ) مثلا لو في وصفه قياسيه للطبخه لازم تلتزمي بالجرامات وصفه نفسها
اما الوصفه العاديه ممكن تضيفي عليها براحتك مثلا ديه معموله بالشاميل وانتي مش بتحبيها تقدري تغيري فيها ، ممكن وصفه معموله ب ريد صوص وانتي بتحبيها بوايت صوص ، بتحبي الملح الزايد او تقليلي فيه ديه كلها اشياء تقدري تتحكمي فيها براحتك لكن الوصفه القياسيه بتحضريها بكل توابلها ، ومقاديرها لازم التزم بيها.
* الوصفات الاصليه بشكل عام لاي بلد يمكن لاي شيف او ست بيت اضافه لمستهم الخاصه بيهم ام ان وصفات الاصليه لها الطابع الخاص بيها فقط ؟
في حاجه اسمها ( مطابخ متخصصه ) او ( مطاعم متخصصه ) بمعني ان احنا عندنا مطعم هندي مفروض ان كل المنيو فيه وصفات هنديه ، و واحد عايز ياكل ويدوق الاكل الهندي ،مينفعش ساعتها ازود او انقص من الاكله الاساسيه ولازم اعملها بنفس الطريقه الي بتتعمل بيها في بلده حتي لا يشعر ابدا بالغربه.
*ما هي الاكلات الي بتميز الشعب المصري بصفه عامه ؟
طبعا جميع انواع الفته الموزة - الكشري - طعميه المصري - فول بالسجق مش هتلاقي احلي الوصفات ديه غير في مصر .
* لكل شيف مثله الاعلي في الطهي ما هو مثلك الاعلي شيف نهي ؟
كل شيفات ليهم احترام وتقدير طبعا ، وميزر المهنه ديه ان في شيفات كبيره بتقدر توصلك وتقدملك المعلومه وتشجعلك ايضا فالقدوه ممكن تاخديها من شيف مصري او شيف اجنبي ،الاهم من كل ده انك تتعملي من مدرسته لكن متطبقيش نفس الوصفه لازم يكون ليكي طريقتك الي بتميزك .
* ما هي طموحاتك واحلامك المستقبليه ؟
نفس في حلم اي شيف ان يكون ليا مطعم او اكاديميه لكن انا اتمني ان اعلم الطلبه وصفات جديده وتطلع معاهم حلوه وديه بالنسبالي قمه السعاده واحبب الناس في الطهي واعرفهم ان موضوع سهل جدا خطيتي لبعد كده ان اكثف برامج واقدر اوصل لست البيت ان حتي وانتي راجعه البيت تعبانه هتقدري تستمعتي وتعملي احلي اكله باسهل الطرق
الاكل استمتاع وسعاده وحب بس الي يفهمه صح .
مرحباً بالتعليقات الجديدة .