كتبت جيهان محي
ديما مجلة مملكتى بتتكلم عن الفن والإبداع والنهارده هانتكلم عن ابداع من نوع خاص هانتكلم عن رياضه اسمها الكاراتيه التقليدى وهانتكلم عليها من خلال بطلة العالم رضا عبد الغنى أو زى ما بيلقبوها فى التمرين "سنسى لوزه "وقبل ما اتكلم على لوزه كبطله لازم تعرفو الاول ان سواء هى أو باقى المدربين الناس دى اخلاقها فاقت الحدود تسيب ابنك او بنتك وانت عارف كويس أنه فى يد امينه عمرى ما شوفت علاقة حب واحترام كده بين لاعب ومدرب الناس دى فعلا بيطبقو الجمله الشهيره اللى اتربينا عليها زمان لما كان بيتقال وزارة التربيه والتعليم هما كمان ماشيين بمبدأ التربيه قبل التعليم بمعنى أن لما ابنك يكون شايف قدوه محترمه وناجحه فى حياتها واخلاقها عاليه والمفروض أنه المدرب بتاعه ويقلده فى كل شىء طبعا لازم طفلك ينشأ نشأ سليم ويكون عضو فعال فى المجتمع سنسى لوزه اتشرفنا بأننا عملنا معاها حوار علشان نعرف مشوارها كان ازاى ووصلت للقب بطل عالم ازاى ردت وقالت
بدأت لعبه الكاراتيه من وانا عندي 8 سنين واول مدرب كان كابتن ابراهيم صالح وهو اللي اكتشفني وبعدين اتمرنت مع كابتن احمد حنفي وأول بطوله جمهورية كانت علي ايده وحصلت علي بطوله الجمهورية اكثر من ثلاث مرات وكنت متعلقه بيه جدا وفجأه سافر وانا كنت هبطل كاراتيه لان كنت متعلقه بيه جدا وبعدين حبي للكاراتيه خلاني استمريت ورحت اتمرنت مع كابتن شريف وهو مش كابتن هو بابا شريف بكل ماتحمله الكلمه من معني وكل اللي انا فيه دلوقتي من نجاح بفضل ربنا ثم يرجع لبابا شريف هو سبب في كل حاجه حلوه وحصلت
و كابتن شريف هو سبب في نجاحي كمدربة صغيرة ولسه مكمل معايا
وحصلت علي مركز اول جمهوريه من 2012 لحد وقتنا هذا
حصلت علي مركز اول كاتا فردي افريقيا 2014
اول عالم كاتا جماعي 2014
مع العلم ان في بطوله العالم كنت في ثالثه ثانوي
والكارتيه مقصرش معايا بالعكس كان حافز ليا واخيرا وليس آخرا حصلت على تانى افريقيا 2019 وبقالى 6سنوات بدرب فى مكان شرف ليا ان مدير الجهاز الفنى له بطل ابطال العالم سنسى القصراوى
وطبعا كل النجاح ده بابا ماما هما السبب فيه ودى كانت حكايتى وطبعا احنا بتتمنى لسنسى لوزه مزيد من التفوق والنجاح فى حياتها
مرحباً بالتعليقات الجديدة .