حوار _ إيمان إيران
الإسكندرية عروس البحر الأبيض المتوسط حيث البحر والهواء النقي، التقينا بالفنانة والمطربة الجميلة صاحبة الصوت الذهبي ونجمة برنامج المواهب الشهيراراب ايدول «ايناس عزالدين»، وكان ذلك علي هامش حفل إفطار الجالية المغربية بمطعم فرسكاتو ودار حوارنا كالآتي:
بداية بعد الترحيب بالمطربة الجميلة إيناس عز الدين، قدمت الفنانة كل الشكر والتقدير لخبيرة التجميل «بهية المغربية»، على دعوتها لحضور حفل إفطار الجالية المغربية بمدينة الإسكندرية، والذي ضم كوكبة من الفنانين ورجال وسيدات الأعمال سواء من المغرب أو مصر.
وبسؤالها عن حالتها الصحية لإطمئنان جمهورها عليها، «جمهورك قلقان عليكي عايزينك تطمنينا.. قالت «إيناس» الحمد لله أنا بخير وأنا مؤمنة بالله وإن أي مرض مهما كانت قوته زيه زي البرد ممكن ناس تموت منه وكمان في ناس بتشفي من امراض صعبة، والحمد لله انا مؤمنة بربنا واتطمنوا انا بخير واشكر كل الناس اللي بعتتلي عشان تطمن عليا.
** هل اشتراكك ببرنامج آراب أيدول ساعدك في بناء قاعدة جماهيرية وانتشارك؟
اكيد اراب ايدول أضاف لي الكثير والكثير وعرف بيا جمهور الوطن العربي كله وده في حد ذاته دعاية في ناس كتير بتدفع فيها ملايين ومش بتوصلها، انا كمان ممكن بغيب فترات وبرجع تاني الناس فاكراني لأن البرنامج رسخ عند الناس صوتي وطلتي عليهم.
كمان البرنامج عرفني علي ثقافات فنون مختلفة وجديدة لأنه غير مقتصر على مصريين بس كان من كل دول الوطن العربي واتعلمت أيضا لهجات وثقافات مختلفة واتعلمت الغناء المغربي والجزائري والخليجي والسوري واللبناني، وكانت بالنسبالي حاجة جديدة لأني متعودة علي التراث المصري والاغاني بتاعتنا وده استفادت منه لما بسافر دول مختلفة وبعمل حفلات لجاليات مختلفة ببقي عارفه الأغاني بتاعتهم وبيحبوا ايه وده ساعدني في الانتشار مش جوه بلدي بس بقيت معروفه ومشهورة كمان في الوطن العربي.
** بمناسبة إننا معاكي في الإسكندرية بيتك الأول وزي ما عرفتيني إن ده أول لقاء ليكي من داخل الإسكندرية، إيه هي أعمالك القادمة وهل في ألبوم خاص؟
أنا الحقيقة مش من هواة الالبوم انا بشوف إن أنا مش هستفيد لما هنزل ٨ او ١٠ أغاني في ألبوم وأغنية أو إتنين اللي ممكن تسمع والباقي ملوش تأثير، ده بصراحة اهدار انا بحب الأغاني السينجل أكتر لأنها بتاخد حقها في السمع والانتشار، وخبر حصري لمملكتي إن شاء الله هينزل سينجل جديد بعد العيد ويارب تعجب الناس واللي ممكن أقوله عنها إنها أغنية حزينة قوي.
** إيه هي أحب اغنية تعتزي بيها وقريبة من قلبك؟
انا عملت اغاني كتير قوي عزاز عليا وقريبين مني بس في أغنية عملتها في رمضان قبل اللي فات اسمها عندي ثقة في الله ومش اخدت حقها قوي وهي مش تعتبر دينية قد ما تعتبر إنسانية جدا ومناجاة لله ويمكن هي كمان احساسي الآن وأشكر كل القامين عليها.
** شكرا يا إيناس .. الحقيقية سواء اليوم في وجودك أو الحوار معاكي أسعدني جدا وأتمني نكون دايما عندنا كل جديد وحصري ليكي، ونشوفك دائما في أسعد حال.
مرحباً بالتعليقات الجديدة .