تعظيم سلام للكمسري

بقلم / اميرة علوان

انا هحكيلكم حكايه موظفه بمصلحة حكوميه لا داعي لذكر اسمها اتظلمت فشغلها وتم التبلي عليها بماهو مخالف للواقع بأنها رفضت تمضى على توزيع العمل مع العلم انه كان حفظ قضايا وكلها مستندات وطبعا كان مضروب فالخلاط وعرفت أن فيه قضايا ضايعه كتبت طلب بتطلب فيه لجنه لعمل جرد رفضوا ليه بئه عشان عايزين يوقعوها فورطه تمام قالت خلاص هستلم وهكتب بجانب امضائي استلمت انا ا. م. ع الحفظ بدون جرد رفضوا رتبت الحفظ وكانت بتخرج من الشغل الساعه 5 كل يوم لوحدها واتفاجئت انها متحوله مجلس تأديب وليها جلسه متهمة انها رفضت تمضي على توزيع العمل واخدت جزاء خصم شهرين من مرتبها يعني هتعيش بالأساسي بس طبعا الأساسي تقريبا أقل من300جنيه فالشهر ومطلوب منها إيجار شقه و اكل وشرب ودوا ومتطلبات بيتها واقساط ومنقوله بلد مجاورة مكنش معاها فلوس المواصلات كانت بتركب قطر اصل لازم تروح الشغل لو انقطعت عن العمل هتتفصل وده مصدر رزقها الوحيد طبعا المحصل بالقطار اول متشوفه وكانت تعمل نفسها نايمه بتبقى محرجة اوي ومينفعش تقوله معييش فلوس عدالها كتير جه فمره وقف بعيد وبعدين لقاها صحيت بعد مكانت عامله نفسها نايمه جه عدي من جنبها وقال بصوت عالي كنتي نايمه دلوقت صحيتي اتحرجت اوي ومن يومها بقى يشوفها يعمل نفسه مش شايفها ليه متعرفش يمكن حس بيها ومش عايز يحرجها وبعدها علطول راحت عملت قرض عالمرتب عشان تصرف ومتعرضش نفسها للموقف ده تاني وبقيت تركب ميكروباص ولا المحصل اهانها ولا رماها من القطر التمسلها عذر حتى لو كان عذر مجهول زمانه قال يا عالم بظروفها مش عمل زي المحصل اللي معندوش رحمه ولا انسانيه يجبر روحين عالنزول مالقطر أثناء السير واحد راسه اتفصلت عن جسمه والتاني مصاب وبعدها يصرفوله100 الف جنيه عشان مات مقابل معهوش يدفع تمن تذكرة 70 جنيه لو جينا حسبناها بخصاره يا ترى الخساره فإنه مدفعش التذكرة فاجبر بالنزول أثناء سير القطر ورأسه اتقطعت فمات ام الخساره اللي عادت عالدوله انه بعد ممات اتصرفله 100 الف جنيه تعويض يا مسئولين الشاب ده لو عايش وكنتوا صرفتولوا ال 100 الف جنيه وعمل مشروع وقسطهم كان هيعيش بكرامه زي بقيت خلق الله والناس المحترمه اللي راكبه ال vib وشافت الواقعة اللي طلعوا تليفوناتهم وصورا المصيبه من بدايتها لحد الآخر محدش استرجل وطلع شهم ومد ايده وطلع محفظته وجمع لهم المبلغ ليه مش بهوات ال vib مبتذكوش غلابة طيب محاولتوش ليه تفضوا الخناقه وتمنعوا المحصل يعمل كده جالكم قلب منين مصعبوش عليكم الشباب دول ولا بينكم وبين نفسكم اسأتوا الظن بيهم وقولتوا ده معاهم فلوس وبينكروا عشان ميدفعوش بحتقر كل الركاب فالعربيه اللي حصل فيها الحادث وخاصتا اللي صوروا بس تعبتوا نفسكم اوي تتصلوا وتبلغ وا عن الواقعه ومتبرعين بالشهادة حسبي الله ونعم الوكيل فيكم الدنيا دواره لا المناصب بتدوم ولا الفلوس ولا اي حاجه وإنسانه مؤمنه جدا بأن ربنا اللي بيرزق مهما سعوا فقطع الأرزاق فالارزاق على الله ربنا اللي بيرزق مش ال 🖤