المظاهر خداعه

كتبت / صابرين جابر

كل واحد جواه حكايه كبيره كل واخد فينا جواه مشاعر متلغبطه سواء حزن او فرح ماتخليش المظاهر تخدعك وتقول لا ده مش عنده مشاكل ولا تقولي لا دي مش عندها هموم.

السوشيال ميديا خليتنا نشوف الصوره من بره لما نلاقي حد مبسوط او فرحان او ضحكته منوره نحسده ونقول ياااااااه يابخته انت ماتعرفش جواه ايه او شايل هموم آد ايه ماتعرفش ممكن يكون ربنا واخد منه يمكن يكون بيداري آلامه وأحزانه يمكن يكون من جواه حزن كبير بس بيخبيها عن عيون الناس بضحكته.

كل واحد فينا عنده قصه كبيره ياريت الناس تحب بعض وتحب الخير لبعض هتحسوا ساعتها بطعم السعادة الخير اللي بتتمناه لغيرك اكيد هيرجعلك أضعاف مضاعفه اتمنوا السعاده والخير لغيركم ساعتها هتحسوا بالسعاده والرضا.