بقلم/د. سها شاكر
كل عيوبك ميزه
صمتك... عيب
لكن بالنسبالى ميزه
بفهم منه كل كلامك
وبعرف منه كل أحلامك
وبرسمهالك
قلقك... عيب
لكن شطى هو أمانك
بترسى عليه
وبتهدى لما بقولهالك
بحبك موت
غيرتك... عيب
لكن بالنسبالى حماية
وبترضى غرورى
ومفيش غيرى تغيرى عليه
وبعد مناهده بأكد ليكى
إنى مش ممكن عنك استغنى
ولا أشوف غيرك فى الدنيادى
زنك... عيب آه يازنانه
لكن بالنسبالى لذيذ
وبشوفك طفلة عنيده
وبحققلك كل أحلامك
وبشوف فرحك ببقى سعيد
بصى... هقولك... أنتى مفيكيش
ولا عيب... مهو بالنسبالى كل
عيوبك بقت ميزه
مرحباً بالتعليقات الجديدة .