هيئة مكتب سفراء السلام بمصر برئاسة معالى السفيرة د/ هدى عبد الله تتقدم الاستغاثة السيسى , من اهمال الاطباء والمستشفيات
كتبت امل كمال
سرعة علاج الطفل فورا قبل الموت , ونطالب بعقاب كل المسؤلين بالاهمال , وبمحاكمة عادلة ناجزة …
*يوسف بين الحياة والموت نتيجة اهمال المستشفى الجامعى والاحرار وأطباء ماتت ضمائرهم
يوسف طفل عادى من مصر عنده اربع سنين حباه الله بجمال وعذوبة وبراءة لامتناهية, وعنده أختين بنات عندهم ثلاث سنوات بيحبهم وبيعشقوه وبيحبوا يلعبوا معاه هو اخوهم الوحيد واللى هيكون لهم فى المستقبل ولوالديه سند وضهر يتسندوا عليه , اسرته على أد الحال زى ناس كتير يدوب لاقية تعيش , وتكفى احتياجاتها الاساسية فى متطلبات الحياة الملحة.
كل حكايته انه شعر ببعض التعب فى بطنه وهو بيلعب زى الاطفال اللى ف سنه فذهب به الاب الي الطبيب فقال له الطبيب انه شاكك ان في انسداد في معدتة فتم تحويلة الي مستشفي الاحرار وهناك قابل والد الطفل الدكتور احمد محمد شراقي وقال لوالد الطفل انا عملت العملية لابنك وكلة تمام واعطاه كارته الشخصى , وبعد مرور ثلاث ايام من اجراء العملية تم خروج الطفل من المستشفي وتاني يوم من خروجه لاحظ الاب والام ان الطفل تعبان عن الاول فقام الاب بالاتصال بالطبيب فقال له احضره وتعالى لي عيادتي بمستشفي حمدي السيد امام موقف المنصورة الزقازيق وبعد الكشف عليه قال له ان شاكك ان العملية فشلت لسوء التعقيم في مستشفي الجامعة انما انا ممكن اعمل لك العملية هنا في المستشفي الخاص كل حاجة فيها كويسة ومتوفرة , ومن هنا بدء الطبيب يستنزف والد الطفل ويسحب كل ما معه من مال وسحب منه ثمانية الاف جنية وتم عمل العملية مرة اخري وبعد ثلاث ايام كما حدث في المرة الاولي حدث هذة المرة فذهب والد الطفل الي الطبيب احمد محمد شراقي بابنه مرة اخري قال لة ابني تعبان عن الاول ايه الحل قال له انا لم يعد معي فلوس قال له خلاص هبعتك الاحرار مرة اخري قال له لا , لان مفيش بها عناية ولا اهتمام بالمريض قال له خلاص هحولك الجامعة كويسة ونظيفة وتم دخول الطفل الجامعة وتم اجراء لة ست عمليات حتي الان لحد ما اصبحت معدة الطفل مفتوحة بهذا الوضع الان ومفيش احد من الاطباء عارف ايه اللي بها والطفل الان اصبح لا يري ولا ياكل ولا يشرب .
ووالده شاكك ان ابنة اتشال منة حاجة من اعضائة فبيطالب وزير الصحة بتشكيل لجنة من وزارة الصحة تفحص حالة ابنه وتشوف اية اللي بها لان الطفل بيموت يوسف اربع سنوات ذي القمر واثناء الحديث معة لة طفلتين عمرهم ثلاث سنوات يقولون عوزين نذهب ليوسف اخونا نلعب معة هو فين هذا هو كل الموضوع بالضبط.
التقرير مرسل من خلال/ سفير السلام محمد عبد الحميد عضو اللجنة الفنية بالهيئة
