طريقة عمل البسبوسه مقدمه من مطبخ / توتا مراد

مقدم من مطبخ / توتا مراد

مدة التحصير : 25 ل 30 دقيقه

-المقادير:

4 معالق ك مليانه سمنه طريه

معلقه ك عسل ابيض

نص كوب سكر

2 كوب سميد

2 معلقه بيكنج بودر

2 معلقه ك لبن بودره محمص (يعنى نجيب اللبن البودره ونقلبه على نار وسط فى طاسه تيفال دقيقتين وهيبقي لونه لون البسكوت المطحون)

نص كوبايه لبن دافي

مكسرات مجروشه ( للتزين)

الشربات...

كوب ميه

كوب سكر

-الطريقة :

اول حاجه نجيب بوله كبيره ، ونحط فيها سميد وعليهم سكر وبيكنج بودر والمكون السرررري لبن بودره محمص (يعنى نجيب اللبن البودره ونقلبه على نار وسط فى طاسه تيفال دقيقتين وهيبقي لونه لون البسكوت المطحون) نزوده بقي على الخليط ال فوق ونركنهم على جنب

....نجيب حله ونحط فيها سمنه طريه ومعاهم عسل ابيض وندفيهم على النار ، بعد كده ننزلهم على البوله ال فيها المواد الجافه ونبسهم كويس عشان السمنه تغلف كل حبات السميد اتغلفت تمام

💪 نزود بقي لبن دافي ونقلب تقلبتين بدوووون عجن وحطو تحت كلمه بدون عجن الف خط....القوام بتاعنا تقيل شويه عادى....

هندهن صنيه 26 سمنه من القعر والحروف وندهن ايدينا سمنه وننزل البسبوسه من البوله ونساويها ب ايدينا ال فيها سمنه ونحط اى مكسرات مجروشه ونضغط ب ايدينا عشان تمسك فى وشها....

ندخلها فرن 200 ، وعموما كده اول ماحروفها تحمر يبقي القعر احمر ممكن ساعتها نقفل تحت ونفتح فوق دقيقتين

طلعت من الفرن لازم نصب عليها شربات سخن مولع ونغطيها 10 دقايق وندخلها الفرن تانى وهو مقفول والباب موارب بعد كده طلعوها قطعوها وكلوها .

- طريقه عمل الشربات :

...كوب ميه وكوب سكر ونقلبهم على البارد لحد مالسكر يختفي اهم حاجه السكر يدوووب لان لما يطلع على النار من هنجيب جنبه معلقه نهائي اخرنا نهز الحله غير كده لاااا

...هنطلعه بقي على النار...ولما يغلي نهدى النار شعرايه لمده 3 دقايق نقفل ونزود معلقه ص سمنه ونهز الحله ونصبه وهو سخن مولع والبسبوسه سخنه مولعه وياكش يولع معاهم الدايت