طفلك يهمنا-11 معلومة غريبة تخص طفلك
كتب-سالى عبد المنعم
اختصاصية علاج نفسى وتعديل سلوك
- تِعرفوا إن الأطفال بيتولدوا و مخهم بيحتوي على واحد بليون خلية عصبية و دا ضعف عدد الخلايا العصبية في مخنا إحنا الكبار بالرغم من إن حجم مخهم يساوي رُبع حجم مخِّنا .
- تعرفوا إن الأطفال لحد سن ٣سنوات بيستهلكوا ٦٠ ٪ من الطاقة اللي بينتجها جسمهم فقط في نمو و تطوير المخ في حين إحنا الكبار بنستخدم ٢٥ ٪ من الطاقة دي بس لِنفس الغرَض .
-طيب تِعرفوا أن الطفل حجم مخٌُه بتضاعف عند عُمْر سنة يعني بيوصل نص حجم مخنا .....و إنه عند ٣سنوات بيوصل حجم مخه ٨٠٪ من حجم مخنا ....يعني اول ٣سنوات من عمر الطفل بتكون أسرع فترة لنمو المخ في حياته كلها .
- تعرفوا إن كمية المهارات اللي بيكتسبها الطفل في أول ٣سنوات عشان إحنا نكتسب أدها محتاجين ٦٠سنة
عشان الطفل في المرحلة العمرية دي مخه عامل زي الإسفنجه بالظبط
- دا التعبير الحرفي اللي وصف بيه العلماء مخ الطفل في السن دا
-بيمتص أي كمية معلومات أو مهارات بتتعرض عليه و بمنتهى السرعة ....يعني لازم تشتغلي الفترة دي في تنمية مهاراته على كل الأصعدة مش بقولك علميه الحروف و الأرقام لأ .......
- حطيه معاكي في كل مكان خلليه يشوفك وانت بتتحركي و - اشرحيله كل حاجه بتعمليها مهما كان سنه صغير ...
- اتكلمي و إلعبي معاه كتير و إقرأيله قصص... في خروجاتك شاوريله على كل حاجه وعرفيه إسمها
- هاتيله اللعب اللي تناسب سنه وخلليه مشغول بيها...
سمعيه موسيقى راقية او قرآن ...
- مع سن المشي خلليه يلون ويرسم ويلعب في الرمل ويجرب كل حاجه تحت عنيكي وما تخافيش كل دا بيتطور إدراكه و بينمي مهاراته...
- حاجات كتير ممكن تعمليها غير إنك تسيبيه قاعد قدام التليفيزيون أو الأجهزة الإلكترونية طول النهار عشان شغل البيت..
- ساعدوه يفهم الدنيا عشان يمشي فيها صح ....و افتكروا كويس إن دا عملكوا الممتد بعد عمر طويل.
مرحباً بالتعليقات الجديدة .