مقدم من مطبخ/ايمان كامل
مدة التحضير ساعه
مدة الطهى 30دقيقه
المكونات
- المعيار لكل المقادير بمج الشاي الزجاجي
- الوصفة بالعسل الابيض مش بعسل الجلوكوز
المقادير :
ربع كيلو جوز هند = 3 اكواب و ربع
كوب واحد سكر ابيض عادي مش بودرة
ربع كوب ماء
2 معلقة كبيرة عسل ابيض
مكسرات - استخدمت زبيب , فستق مبشور -
رشة فانيليا
الطريقة :
1- تجهز صينية مربعة و تغطى بالفويل و نضع نقطتين او 3 زيت و نمسحهم في الفويل كويس
2- نضع في ارضية الفويل الزبيب و الفستق و نساويهم في الصينية في طبقة واحدة
3- نضع السكر , الماء , العسل في وعاء على النار و نقلب حتى يذوب السكر تماما و يترك الخليط على حرارة متوسطة حتى يبدأ في الغليان
4- يترك الخليط على النار يغلي لحد ما اللون يبقى ذهبي فاتح ما يتحولش لكاراميل عايزين خليط السكر يكون طري , ثم يرفع من على النار
5- يصب الخليط و هو ساخن على جوز الهند و نضيف الفانيليا و يقلب بمعلقة خشب و خلي بالك لان خليط السكر بيكون سخن جدا , و قلبي لحد ما جوز الهند
يتشرب خليط السكر كويس جدا
6- يفرد خليط جوز الهند فوق المكسرات و يساوى جدا , بلي ايدك ماء خفيف جدا و ساوي السطح كويس , و سيبي الصينية تهدأ شوية
7- غطي الصينية و سيبيها لحد ما تبرد خالص , و بعدين ارفعي الفويل بالراحة خالص و اقلبيه علشان تكون المكسرات لفوق و شيلي الفويل بالراحة جدا , و ابتدي قطعي اللديدة حسب ما تحبي
8- يحتفظ بها في علب مغلقة و الاحسن نلف كل واحدة بنايلون التغليف او كيس من اكياس الساندويتشات و تحفظ خارج الثلاجة .....
مرحباً بالتعليقات الجديدة .