مقدم من مطبخ ايمان كامل
مدة التحضير ساعه
مدة الطهى30دقيقه
المكونات
فستق مبشور
نصف كوب زبيب
3 اكواب جوز هند مبشور ناعم
ثلثين كوب شربات تقيل
لفة واحدة قمر الدين
رشة فانيليا
فستق مبشور
الطريقة :
- العيار بمج الشاي الزجاجي
- الفستق المبشور ممكن تستغني عنه في الوصفة او تبدليه باللوز و يكون مجروش خشن شوية
- الشربات نستخدمه في الوصفة و هو دافئ
1- لتحضير الشربات , نضع كوب واحد سكر مع نصف كوب ماء على حرارة متوسطة و نقلب حتى يذوب السكر تماما و يترك الشربات يغلي , فنضيف معلقة صغيرة
عصير ليمون و يترك الشربات حوالي 10 دقائق على نار هادئة ثم يرفع - قوام الشربات لازم يكون ثقيل شوية - و يترك حتى يصبح دافئا
2- نخلط جوز الهند , الزبيب , رشة الفانيليا جيدا ثم نضيف الشربات الدافئ و نقلب حتى يغطي الشربات المكونات جيدا و يمسك المكونات في بعض
3- نفتح لفة قمر الدين و نفردها كويس و بالراحة علشان ما تتقطعش و نحطها على كيس بلاستيك و اتاكدي ان اللفة مفرودة كويس و من غير اي ثنيات فيها خالص
4- نضع خليط جوز الهند في منتصف اللفة و نفردها جيدا من غير ما يوصل للاطراف و الجوانب و نضغط عليها بايدينا علشان يتماسك كويس
5- عند الانتهاء من فرد طبقة جوز الهند , نضع على اطراف الخليط الفستق المبشور , و نبدأ في لف قمر الدين
6- و انتي بتلفي قمر الدين , لفي بالراحة و اضغطي على اللفة لجوه علشان مكونات الحشو تمسك في قمر الدين كويس , و كل ما تخلصي لفة اضغطي كويس
7- بعد ما تخلصي لف قمر الدين , لفيها في قلب الكيس البلاستيك و اربطي اطراف الكيس كويس و ارجعي لفي على الكيس فويل او كيس بلاستيك اضافي و اظبطي شكل
الرول بتاع قمر الدين كويس
8- دخلي الرول الثلاجة , مش اقل من 3 ساعات و الاحسن ليلة كاملة و بعدين طلعيه يهدأ شوية و قطعيه بسكينة حامية حافتها سادة
9- بعد التقطيع لفي كل واحدة بنايلون التغليف او كيس من اكياس الساندويتشات لانه بيلزق في بعض فالاحسن كل واحدة تغلفيها لوحدها , و حطيه في علبة مقفولة , احفظيه في درجة حرارة الغرفة .....
مرحباً بالتعليقات الجديدة .