مقدم من مطبخ / سارة محمد
قطايف بكريمة الباستيري والمشمشية
المقادير :
نص كيلو قطايف طازة اهم حاجه تكون طاززززززة .
زيت للقلي .
شربات تقيل .
مكوناته .
2 مج سكر عل مج مياه .
عصير نص ليمونه .
2 معلقه عسل جلوكوز كبيرة .
الحشوه
ربع كيلو كريمة خفق جهينة او المراعي . الماركة المتاحة
نص كوب بودر باتسيري
الطريقة
نقفل القطايف عل شكل قرطاس تتقفل من الجناب ها مش من تحت . وتتحمر في زيت سخن ها سخن وتتطلع في الطبق ونحط عليها العسل بس مش كتير . حاجه بسيطة .
نحضر الحشوة بسرعة
في بولة غويطة نحط الكريمة ونضربها لحد ما حجمها يضاعف ونحط بودر الباتسيري ونكمل نضرب خلاص ضربناه وبقي جاهز نحضر كيس حلواني ومش شرط نحط قمع لان احنا مش محتاجين شكل. ونحط الكريمة ونحش القطايف
ونكون مجهزين مشمشية متقطعه مكعبات ونحطها فوق الكريمة زي ما الصورة مبينة ورشه فسدق حلوة او رشه بندق او حتي رشه سوداني مفروم
خفيفة جدا وحلوة وومميزة ويارب تعجبكم ❤
مرحباً بالتعليقات الجديدة .