مقدم من مطبخ / توتا مراد
السابليه الفرنسي:
لمدة : من 15 ل 20 دقيقه
المقادير :
300 جرام دقيق منخول
200 جرام زبده طريه وساقعه
100 جرام سكر بودره
الطريقه:
-هنجيب بوله كبيره ونحط كله على بعض ونبتدى نخلط بأطراف صوابعنا متعجنيش احنا عايزين المقادير تختلط كويس كتر العجن هيخلى السابليه ينشف احنا عايزينه ناعم كده وحلو نيجي للشغل بقي
- العجينه لا ترتاح بره ولا ف الثلاجه هنشكلها علطول هنجيب ورقتين زبده او كيسين سندوتشات ونحط العجينه بينهم ونفرد بالنشابه
-ونقطع بالأشكال ال تحبوها وعشان نطلع الشكل بسهوله هندخل ايدنا تحت ورق الزبده ونرفع لفوق هنلاقي الشكل ال عملناه بقي سهل
- نشيله ونرصه فى صواني الخبز وندخلهم على فرن سخن على 170، عايزينه من تحت دهبي ومن فوق هيفضل ابيض تمام كده!!!!
-طلعنا السابليه هنسيبه يهدا خالص محدش يقرب منه
برد خلاص هنجهز
-عده التزيين :
وهى مربي
و شوكولاته دارك وبيضه
ومكسرات
انا عملت جزء ابيض وجزء قرفه وجزء شوكولاته وحشيتهم مربي وبالنسبه للميني تارت حشيته توفي وعين جمل
- المقادير بالكوب للناس ال معندهاش ميزان
السابليه الفرنسي:-
2 كوب دقيق وزودى عليه كمان معلقتين دقيق كبار
1 كوب زبده وشيلي منه معلقتين كبار
نص كوب سكر بودره وزودى كمان معلقه ونص كبيره
التوفي:-
1 كوب سكر
ربع كوب ميه
1 علبه قشطه بووك
2 مكعب شوكولاته بيضه
معلقه ك زبده طريه
الطريقه:
هنكرمل السكر مع ربع كوب الميه على نار وسط بدون تقليب نهائي يدوبك نهز الطاسه...بعد كده ننزل الزبده ونقلب لحد ماتمتزج وبعد كده نزود القشطه ونقلب كويس اول ماتدوب نقفل ونزود الشوكولاته ونقلب هتسيح علطول نسيبه يبرد وهيكون جاهز للحشو
وبالف هنا
مرحباً بالتعليقات الجديدة .