مقدم من مطبخ نهله رجب
مدة التحضير ساعه
مدة الطهى30دقيقه
المكونات
نص كيلو بصل اورما( صغير)
نص كيلو صدور دجاج مخلية وهنا قطعتها مكعبات كبيره وممكن تعمليها باوراك او فرخه بالعضم مقطعه ع ٨
واحد طماطم مكعبات
واحد فلفل حار قطع حسب الرغبه
واحد فلفل رومى شرايح
معلقه صغيرة توم مفروم
ملح وفلفل اسود
حبهان مطحون وزعتر وبابريكا او سماق وتوابل فراخ ورشه قرفه
كوب مرقه دجاج او ميه ومكعب ماجي
2 حبه حبهان
2 ورق لورا
معلقه دقيق
الطريقه
اول حاجه نتبل الفراخ بالتوابل ساعه او ساعتين
وع النار نحط معلقتين زيت ومعلقه زبده ونشوح فيها الفراخ شويه تباه لونها بني فاتح ننزل البصل الصغير ولو مفيش قطعي البصله ع اربعه بنشوح البصل لحد ما ياخد لون شويه ونضيف الفلفل الرومي والحار لو تحبي والتوم والطماطم ومعلقه دقيق ونقلبهم كويس ونضيف المرقه ولو مفيش يباه ميه مغليه ومكعب مرقه ونحط ورق لورا وحبهان حب وتدوقي تظبطي الملح بتاعها وتغلي غلوه ننقلهم ف طاجن او بايركس وع الفرن واما تستوي وتاخد لون تكوني مولعه فحمه وتحطيها في ورق فويل ف نص الطاجن وتطفيها بنقطه زيت وتغطيها خمس دقايق وبالف هنا
ملحوظه لو مفيش وقت تتبليها عادي بتحطي التوابل بعد ما تشوحي البصل وبتطلع حلوه جدا
وساعات بضيف بطاطس مكعبات بتباه لذيذه👍🏻👍🏻
مرحباً بالتعليقات الجديدة .