ايس كريم الفراوله

إسم الوصفه :ايس كريم الفراوله
مقدمه من :أم محمد البغدادي
مدة التحضير : 10 دقائق
مدة التبريد : 4 ساعات 

 المكونات :

 
كيس فراوله نصف كيلو نصف مجمده ( يعنى طلعيها قبل الشغل بساعه عشان متبقاش مجمده اوى )
حبة موز
نصف علبة حليب مكثف محلى (اختيارى ممكن تحليه كله بسكر لكن الحليب المكثف بيعطى طعم غنى وحلو اوى)
سكر حسب الرغبة
كوب حليب مثلج
باكيت كريم شانتيه أو باكيت ايس كريم جاهز
ممكن تحطى نقاط من لون غذائي أحمر لتعزيز اللون (اختيارى)

 
الطريقة:

 
اضربى الكريم شانتيه بنصف كوب من الحليب لحد ما تكون هايشة  وضعيها على جنب في الخلاط ضعي باقى المكونات الفراوله ونصف كوب الحليب المتبقي والحليب المكثف واضربى كويس حتى يختلط دوقى لو محتاج سكر زودى مش محتاج خلاص انزلي بخليط الفراوله على الكريم شانتيه وقلبى بحرص لحد ما كله يختلط كويس لو حاسه أن اللون محتاج حطى نقاط من لون غذائي أحمر لتعزيز اللون بس اسكبي الخليط فى علبه بلاستيك أو فى قوالب الأيس كريم وضعي إستيك الأيس كريم وعلى طوووول عالفريزر لحد ما يتجمد.

 
مديرة مطبخ مجلة مملكتي ا/هاله طارق