بقلم فاطمة الزهراء شبانه
قلبى بيقولى يلا احكى
عقلى بيقول استنى خبى
اللى بيحكى عن حبه
بيشوف عذاب
بين يوم وليلة
الأحباب بيكونوا أغراب
أسمعه بيقول سيبك منه
احكى .. فرحينى
قولى يلا طمنينى
عارفة تختارى صح
وتقولى للوحدة بح
خلاص بقى عندى حبيب
اقرب لى من أقرب قريب
بصوت عالى يرد عقلى عليه
عاوزه أنتى تحكى ليه
مستنيه من مين ايه
حد يفرح لك
حد يشرح لك
معنى الحب ايه
قلبى بيقولى خلى الناس تفرح معاكى
عقلى بيقولى خبى عنهم هواكى
بقلم فاطمة الزهراء شبانه
مرحباً بالتعليقات الجديدة .