مقدمة من / دعاء نصر
مدة التحضير/ 10 دقائق
مدة الطهي / 20 دقيقه
المكونات
نص كيلو كنافه
نص كيلو جبنة عكاوي
كوب ونص سمنة بلدي
2معلقه سكر بودرة
مكونات الشربات
3كوب سكر
1كوب ونص مياه
معلقه عسل كلوجوز
فانليا
معلقه سمنة بلدي
الطريقه
الكنافه نفرزها وبعدين نفركها لقطع صغيرة وعليها معلقتين السكر ونصب عليها السمن وندعكها كويس اووي عشان الكنافه كلها تتغلف بالسمن
الجبن العكاوي بتكون مالحه لازم ننقعها قبلها بيوم ونغير عليها المايه كل ساعتين عشان ملوحتها تروح
ونصفيها كويس
ندهن صنية مقاس 28 او 30 بالسمن ونفرد نص كمية الكنافه ونضغط عليها اووي بطبق او صنيه يعني نكبسها جامد ونوزع عليها كمية الجبنة العكاوي وعليها بقية كمية الكنافه ونضغط تاني ونساوي الجوانب وتدخل فرن سخن علي درجة حرارة 200 لحد ما الجوانب تحمر نفتح الشوايه تاخد لون حلو تطلع نسقيها الشربات البارد
الشربات
نحط السكر ع المايه ع العسل الكلوجوز ع النار بدون تقليب اول مايغلي نهدي النار ونسيبه 10 دق ونطفي ونضيف معلقه السمنة والفانليا
ملحوظة لو عايزين الكنافه تطلع لونها دهبي اوي زي بتوع السورين حطي نقطة لون اورانج مع السمنة قبل ما تتصب علي الكنافه
وبالف هنا
مرحباً بالتعليقات الجديدة .