البسبوسه
مده التحضير : ربع ساعة
مده الطهى : 20 دقيقه
المقادير :
1 ونص كوب سميد ناعم. ..من العطار
4 /3 كوب سمنه بلدى
نص كوب جوز الهند
باكو بيكنج بودر
رشه ملح
ملعقه عسل جلوكوز
2 علبه زبادى
2 ملعقه سكر
السيرب أو الشربات :
2 كوب وسط سكر
2 كوب ماء
عصير ليمونه
ملعقه سمنه
الطريقه :
نخلط المواد الجافة مع بعضها كويس السميد والملح والبيكنج بودر والجوز الهند وبعدين نسيح السمنه على خفيف ونخلط معاها ملعقه العسل الجلوكوز جيدا نسيحه فيها كويس وننزل بيهم فوق السميد ونبثث الخليط بأيدينا ضرورى وبشويش خالص عشان نغلف كل السميد ومايعملش معانا عرق ولما تبقى مرمله وكله اتغلف أنزل عليها بعلبتين الزبادى واقلب بالراحه خالص وبس كده وننزل بالخليط فى صنيه مدهونه سمنه وعلى فرن سخن على درجه حراره 180 لغاية لما طروفها تحمر ونشغل الشوايه تحمر الوش دقيقه بس.
نكون عملنا الشربات نحط السكر على المايه والليمون ونسيبهم يغلو لمده 5 دقائق بس وننزل بيه فوق البسبوسة سخن وهى سخنه ونغطيها وندخلها الفرن تانى وهو مطفى لمده 10 دقائق بس ده بيخليها سايحه ومتماسكه على خفيف زى المحلات بالظبط والف هنا
