بقلم / صابرين جابر
الحقد والكره مابيقتلش غير صاحبه ارحم نفسك من الحقد الشعور ده بيموت فعلا كراهيه وغل جواك مافيش حب مش لاقي الحب ولا عمرك هتلاقيه لانك مابتعرفش تحب مابتعرفش تفرح لحد مابتعرفش تشارك حد نجاحه دايما حاسس بنقصك دايما مهتم بالآخرين دايما نفسك انهم يدمروا نفسك انهم يفشلوا بس اول شخص بيدمر هو انت لانك كاره اي حد وكل حد كتير في زمننا ده بقينا نشوف الشخص ده الحاقد واللي بيكره الشخص الناجح واللي مش بيحب حد احسن منه عنده سواد قلب وسوء نيه دايما للي حواليه نفوس مريضه فعلا مابتشوفش الا الوحش اللي جواك ودايما بتتمني انك تقع ودايما عايزاك في القاع وأنك ماتتشفش كلنا يمكن مانكونش زي بعض ولا في المظهر ولا حتي في النوايا هتلاقي فينا اللي قلبه ابيض واللي قلبه اسود دايما اللي قلبه اسود شكاك دايما بيسئ الطن بالناس فلا يحمل ابدا في قلبه سلامه النيه دايما دايما بيبص للناس علي انهم بيغلطوا طول الوقت بيحاول يذم دايما في الشخص الناجح ساعات الواحد بيسأل نفسه هو الشخص الفلاني بيكرهني ليه هو مش بيحبني ليه بس معظم الاوقات بتبقي عارف بتبقي عارف وبتبقي حاسس لكن بتحاول تكدب نفسك عشان الحياه تمشي عشان انت عايز تقتنع بده عشان انت قلبك ابيض عشان انت بتحب كل الناس عشان انت صاحب صاحبك.
مرحباً بالتعليقات الجديدة .